ནང་དོན་མདོར་བསྡུས། 专辑内容提要

གངས་ལྗོངས་ལ་བཅང་བའི་དུང་སེམས།

ཚིག   ཨ་གྲགས།
དབྱངས།   ཨ་གྲགས།
གཞས་པ།   ཨ་གྲགས།

བསིལ་ལྡན་ཁ་བའི་ལྗོངས་སུ།།
སངས་རྒྱས་བསྟན་པ་དར་ཞིང་།།
ནང་བསྟན་དགེ་བའི་འོད་ཀྱིས།།
ས་ཆེན་དབང་དུ་བྱས་སོང་།།

ཕ་མེས་མཛད་པ་བཟང་པོས།།
ཡུལ་ལ་དགེ་བཅུ་ཚང་ཞིང་།།
བསྟན་དང་འགྲོ་བའི་དཔལ་ཡོན།།
གནས་མཆོག་འདི་ནས་རྒྱས་སོང་།།

འཛམ་གླིང་ཡང་རྩེར་སོན་པའི།།
རང་རེ་བོད་པའི་རིག་གཞུང་།།
མི་ཉམས་འཛིན་སྐྱོང་གནང་དང་།།
རིགས་གཅིག་སྙིང་གི་སྤུན་ཟླ།།

2019年歌手阿扎的个人专辑《雪域之爱》

ཁ་བའི་ཡུལ་ལྗོངས།

ཚིག  སྒྲུབ་རྒྱལ།
དབྱངས།  དབང་ཆེན།
གཞས་པ།  ཨ་གྲགས།

བོད་ཁ་བ་ཅན་གྱི་ཡུལ་ལྗོངས་ན།།
མདངས་གཡུ་འོད་འདྲེས་པའི་ནམ་མཁའ་དྭངས།།
དཀར་ཞོ་གསར་སྤུངས་འདྲའི་ཆུ་འཛིན་མཛེས།།
གསལ་ཉི་ཟླ་སྐར་གསུམ་ལྷག་ཏུ་བཀྲ།།


བོད་ཁ་བ་ཅན་གྱི་ཡུལ་ལྗོངས་ན།།
གངས་རྫ་སྤང་གཡའ་རི་ནགས་རི་མཛེས།།
ནོར་རིན་ཆེན་འབྲུ་སྣའི་གཏེར་ཁ་རྡོལ།།
རྩི་མེ་ཏོག་སྐྱེ་དངོས་སྨན་གྱི་རྒྱུ།།


བོད་ཁ་བ་ཅན་གྱི་ཡུལ་ལྗོངས་ན།།
ཆབ་དྭངས་གཙང་ཡན་ལག་བརྒྱད་པའི་རྒྱུན།།
བསིལ་དྲི་བཞོན་སྨན་གྱི་མཁའ་དབུགས་གཙང་།།
དུས་རྣམ་བཞིའི་དབྱེ་གསལ་དྲོ་གྲང་སྙོམས།།


བོད་ཁ་བ་ཅན་གྱི་ཡུལ་ལྗོངས་ན།།
གནས་ལྷོ་གླིང་གཏན་བདེའི་དགེ་མཚན་ཡོད།།
དེ་འཛམ་གླིང་འདི་ཡི་ཞིང་ཁམས་ཡིན།།
དེ་ཞིག་རལ་འབགས་ལྷད་མེད་པར་སྨོན།།

2019年 阿扎个人专辑《雪域》

དོན་ལྡན་གྱི་བོད།

ཚིག    དྲང་འཚོལ།   དབྱངས།    སངས་རྒྱས་ཆོས་འགྲུབ།།           ལེན་མཁེན    སངས་རྒྱས་ཆོས་འགྲུབ།
ཡབ་མེས་ཀྱི་བསྟན་པ་རྒྱས་ས།  །
བྱམས་སེམས་ཀྱི་སྙིང་སྟོབས་ཆེ་ས།  །
མཛེས་རྩལ་གྱི་ཡིད་དབང་འཕྲོག་ས།  །
སྟོད་ལྷ་ལྡན་གླུ་ཡིས་བསྟོད་དོ།  ། 
ཨེ་མ་ཧོ། དབུས་གཙང་གི་མི། གངས་ཅན་པའི་རྒྱན།  ཕོ་ལྷ་བསོ།  །

དཔའ་མཛངས་ཀྱི་རྟུལ་ཕོད་ཆེ་ཞིང་། །
བདེན་དོན་ཆེད་སྐུ་སྲོག་ཤོར་ཡང་། །
འགྱོད་པ་ནི་སྤུ་ཙམ་མེད་པའི།  །
བར་ཁམས་པ་གླུ་ཡིས་བསྟོད་དོ།  །
ཨེ་མ་ཧོ།  ཁམས་པ་ཡི་མི། གངས་ཅན་པའི་རྒྱན། དགྲ་ལྷ་བསོ། 

ཤེས་རིག་གི་འབྲུག་སྒྲ་ལྡིར་ས།  །
ལེགས་ཉེས་ཀྱི་བླ་དོར་མཁས་ས།  །
རྣམ་དཔྱོད་ལ་འགྲན་ཟླ་བྲལ་ས།  །
སྨད་ཨ་མདོ་གླུ་ཡིས་བསྟོད་དོ།  །
ཨེ་མ་ཧོ། ཨ་མདོ་ཡི་མི། གངས་ཅན་པའི་རྒྱན། དབུ་འཕང་མཐོ།

ཆོལ་གསུམ་གྱི་མི་རིགས་འདི་ལ། །
རིགས་གཞན་དང་འགྲན་ཟླ་བྲལ་བའི།  །
ལས་འབྲས་ལ་བརྩི་སྲུང་ལྡན་ཡོད།  །
ལས་རླུང་རྟ་དར་གླུ་ངས་ལེན།  །
ཨེ་མ་ཧོ།  ཡ་རབས་ཀྱི་བོད།  གངས་ཅན་པའི་རྒྱན།   རླུང་རྟ་དར།

仲巴罗布最新单曲《马脚》

标签

评论