神山/果洛尖参 岗仲普巴甲

ས་འཛིན་དཀར་པོ། ཚིག འཕང་། དབྱངས། མགོ་ལོག་རྒྱལ་མཚན། མགོ་ལོག་རྒྱལ་མཚན་དང་གངས་གྲོང་འཕགས་པ་སྐྱབས་གཉིས་ཀྱིས་བླངས། ས་ཆེན་གྱི་རྔོག་མ་དཀར་པོ། ཉི་ཟླ་ཡི་ཐོར་ཅོག་མཛེས། རང་བྱུང་གི་མེ་ལོང་ཡིན། ངོ་མཚར་གྱི་གངས་རི་ཁྱེད། ཨོ་ཧོ་་་ ་་་ འཛམ་གླིང་གི་གཙུག་ཏོར་ནོར་བུ། ཞི་བདེའི་ངང་བརྗིད་ཀྱིས་འགྱིངས། ཨོ་ཧོ་་་ ་་་ བདག་སེམས་ལ་འགྱུར་མེད་ཀྱི། དད་འདུན་ཞིག་བརྟན་ནེར་འགྲེངས། རྨད་བྱུང་གི་གངས་དཀར་ལྷུན་པོ།། གངས་ཅན་པའི་སྙིང་རུས་མཁྲེགས་པོ།། ཕ་མ་ཡི་བྱམས་བརྩེ་འོད་པོ།། སྐྱིད་སྡུག་གི་མགོ་བོ་དུད་ས།། ༢ མཐོ་སྒང་གི་རལ་བ་དཀར་པོ། སྐར་ཚོགས་ཀྱི་རྨི་ལམ་ཡིན། འབྲོང་ཆུང་གི་སྣང་བ་ཡིན། ཟླ་མེད་ཀྱི་གངས་རི་ཁྱེད། ཨོ་ཧོ་་་ ་་་ ཁ་བ་ཡི་མུ་ཏིག་ཕྲེང་བ། འོད་དཀར་དེ་འཛུམ་དམུལ་ལེར། ཨོ་ཧོ་་་ ་་་ བདག་སེམས་ལ་བསླུ་མེད་ཀྱི། གཏན་ཚིགས་ཤིག་ཏན་ནེར་བཞག རབ་མཛེས་ཀྱི་གངས་དཀར་རི་བོ།། གཉུག་སེམས་ཀྱི་ཁ་དོག་མཚོན་ཡོད།། ཡབ་མེས་ཚོའི་རྟུལ་ཕོད་མཚོན་ཡོད།། དགའ་སྐྱོ་ཡི་སྨོན་ལམ་དཀར་པོ།། ༣༽ འདུ་ཤེས་ཀྱི་མཆོད་རྟེན་དཀར་པོ། བདེ་སྐྱིད་ཀྱི་རྨུ་ཐག་ཡིན། རྣམ་ཤེས་ལ་བདེ་འགྲོ་བསྩལ། ཤེལ་དཀར་གྱི་གངས་རི་ཁྱེད། ཨོ་ཧོ་་་་། སྦྲ་ནག་གི་རྒྱབ་རི་དཀར་པོ། རྣང་ཞིང་གི་དངོས་གྲུབ་ཡིན། ཨོ་ཧོ་་་ ་་་ བདག་སེམས་ལ་བྱིན་གྱིས་བརླབས། འཚོལ་སྙེག་ཅིག་གསལ་ལེར་མངོན། དད་རྟེན་གྱི་བླ་རི་དཀར་པོ།། དྲན་ཤེས་ཀྱི་མེ་ཏོག་འཐུ་ས།། མཛེས་སྡུག་གི་ལྷིང་འཇགས་སྒོམ་ས།། དྭངས་གཙང་གི་དག་པའི་ཞིང་ཁམས།། ༢༠༡༧/༤/༡༣ ཉིན།