巴丁久美

གངས་ཅན་རྟ་མཆོག ཚིག རོང་ཧོ་དུར་རྡོ། དབྱངས། དཔལ་ལྡན་འགྱུར་མེད། གཞསཔ། ་དཔལ་ལྡན་འགྱུར་མེད། རྟ་མདོ་བ་རླུང་གི་བང་རྩལ་ཅན།། འགྲོས་གོམས་པ་ཡག་གི་རྒྱན་ཅིག་གདའ།། ས་བྱང་ཐང་བཅོད་པའི་རྩལ་ཅིག་གདའ།། བུ་བསོད་རྣམས་ཅན་ལ་དབང་བ་རེད།། ཀི་བསྭོ་བསྭོ། རྟ་མདོ་བ། ལྷ་རྒྱལ་ལོ། ཡུལ་གངས་ཅན་པ་ལ་མཛའ་བ་རེད།། རྟ་མདོ་བ་གསེར་གྱི་སྒ་སྲབ་ཅན།། རྐང་རྭ་བཞི་འཕྲུལ་གྱི་འགྲོས་ཅིག་གདའ།། ལུས་གཟུགས་གཞི་བརྗིད་པའི་ཉམས་ཅིག་གདའ།། བུ་བསོད་རྣམས་ཅན་ལ་དབང་བ་རེད།། ཀི་བསྭོ་བསྭོ། རྟ་མདོ་བ། ལྷ་རྒྱལ་ལོ།། ཡུལ་ཁ་བ་ཅན་ལ་མཛའ་བ་རེད།། རྟ་མདོ་བ་གཡང་གི་དངོས་སྒྲུབ་ཅན།། ཕྱི་སྤུ་རིས་འཇའ་ཚོན་ཤིག་གེར་གདའ།། ནང་རྟ་འགྲིན་ལྷ་ཡིའི་ཟིལ་ཅིག་གདའ།། བུ་བསོད་རྣམས་ཅན་ལ་དབང་བ་རེད།། ཡུལ་སྒང་པ་བོད་ལ་མཛའ་བ་རེད།། ཀི་བསོ་བསོ། རྟ་འདོ་བ། ལྷ་རྒྱལ་ལོ། ཡུལ་སྒང་པ་བོད་ལ་མཛའ་བ་རེད།། བུ་བསོད་ནམའ་ཅན་ལ་དབང་བ་རེད།།