དྲན་གདུང་ལ་སྐྱེས་པའི་མི། 周毛卡

དྲན་གདུང་ལ་སྐྱེས་པའི་མི། 相思之人 ཚིག གངས་དཔལ་གྱིས་བརྩམས།作词： 岗华 དབྱངས། བྱམས་པ་ཚེ་རིང་གིས་བརྩམས།作曲：先巴才让 གཞས། འབྲུག་མོ་མཁར་གྱིས་བླངས། 演唱：周毛卡 སྔོན་ཀྱི་ལས་ལ་མཐུན་པའི། ། ཆུང་འགྲོགས་གཡུ་ཆུང་དྲུག་དཀར། ། ཚེ་ཡི་དར་ལ་བརྒྱུས་པས། ། སྐྱེ་བ་འདི་ལ་རྙེད་བྱུང་། ། དེ་ནི་ཆུ་མོའི་གཞུང་ལ། ། གསེར་གྱི་ཉ་མོར་སྐྱེས་འདུག། དེ་ལ་གཅེས་པའི་མིག་ཆུ། ། ཆུ་མོའི་གཞུང་ལ་འཐོར་སོང་། ། ཚིག་རྟིང་མནའ་ཡིས་མདུད་པའི། ། ཞེ་འདང་རུམ་པའི་ཆུང་འདྲིས། ། ལས་ཀྱི་སྨོན་ལམ་བཞག་པས། ། བསྐལ་བའི་རིང་ལ་མཐོང་བྱུང་། ། དེ་ནི་ནམ་མཁའི་ངོས་ལ། ། དགུང་གི་སྐར་མས་སྐྱེས་འདུག། དེ་ལ་དུངས་པའི་གཞས་ཤིག། སྤྲིན་གྱི་འདབ་མར་བཅོལ་ཡོད།། བསྐལ་བའི་དཔེ་ལ་བཞག་པའི། ། དམ་བཅའ་བྲག་ལ་འགྱུར་ཤོག། སྲིད་པའི་སྒྲུང་ལ་བྲིས་པའི། ། ཞེ་འདང་མཚོ་ལ་འཁྱིལ་ཤོག། ང་ནི་སྐྱེ་བ་སྔོན་མར། ། སྨོན་ལམ་ཡང་ཡང་བཏབ་པའི། ། ལས་འཕྲོའི་རི་མོ་ཁུར་བའི། ། ཕྱེ་ལེབ་ཁྲ་ཁྲ་དེ་ཡིན།།